Som låtskrivar er Tom Roger Aadland særmerkt av ei eiga evne til å levere sterke tekstar kombinert med iøyrefallande melodiar. Ei rekkje av låtane hans har blitt radiofavorittar, og mange kjenner nok igjen songar som «Alle dei i ei» og «Like til mi dør». Han er også kjent som tekstforfattar for bl.a. Hellbillies, Vamp og Marion Ravn.

Tom Roger Aadland er framleis på vegen – og framleis på veg. Han er kjent som ein energisk utøvar med ei spesiell evne til å formidle innhaldet i ein låt, og han har rykte på seg for alltid å levere varene på scenen.